好公司系列（一）：騰訊

 好公司系列（一）— 我首選騰訊。騰訊係好公司，大家都可能知道。但係你唔買佢嘅原因，好大機會係因為貪心，嫌它升唔多。佢嘅市值已經好大，要升一倍，好似好困難。好多人望而卻步，不如找尋其他市值細嘅優質股，期望可以上升一倍。有這種想法，係人之常情，想快點發達，財務自由。但是，其實就算大市值股，向來波幅都唔細，況且，如果想增加回報，是有其他方法做到的，如果想知道，請留意我其他文章。說回騰訊，為什麼我說他是好公司呢？最重要當然係佢的掌舵人—劉熾平。佢係馬化騰搵返來的CEO。他本來是投資銀行高層，馬化騰欣賞他的能力，高薪挖角找他來。他不負所望，首先他選擇遊戲業務作主力，做到中國遊戲商第一，絕對係遊戲嘅龍頭。第二，微信已經係中國的WhatsApp + Facebook，微信支付 = Apple Pay，第三，騰訊有眼光，投資嘅快手、美團，仲有其他科技公司，全部都孵化得好成功。未來嘅業務，包括將企業軟件雲端化，係抄微軟同谷歌，未來空間巨大。趁著現代的監管風暴，正是買入騰訊嘅好時機。當然，大家會貨比貨，會問為什麼不買阿里巴巴？同樣是科技股，跌幅更大。我以前有個錯誤，邊個平就買邊個，或者沽貴買平，亦有人話，邊個抗跌力强，就係好股嘅證明，要沽弱買强。然而，以我嘅經驗，祇有對自己非常熟悉，抱有堅定信心，堅持持股，收益才會最大，不要被技術指標誤導。阿里巴巴雖然都是好公司，但創辦人馬雲已經退出，繼承人未能做出穩固的好成績，加上以前阿里巴巴曾經低價私有化，要同股不同權，馬雲對投資者並不友好。所以，結論係，騰訊當然是最好。