股市必勝術：選股篇（一）

 買股票等於買公司，係非常重要的慨念。以前買股票好著重公司嘅財務指標。什麼市盈率，市帳率，週轉率，以為買到平嘅股票，會有安全邊際，以為買到市盈率低嘅公司就係買到好公司。好多時見到啲公司大平賣，資產又多，派息又多，股價那麼低，係咪市場出錯啊。點解股價會咁平嘅? 再想想，究竟買股票係買平嘅公司，定係買好嘅公司呢? 當然每個人都想買又平又好嘅公司，買中倍升股，甚至十倍股。如何選擇? 初初買股票，最容易墮入嘅陷阱就係買地產股，地產股資產又多，派息又多，股價又平。以為咁樣，安全邊制就多。買到大型地產公司，唔會倒閉，都唔會中伏啩。可惜最後，最後我買嘅地產公司好多時都唔升，甚至大跌。到那時，發現佢跌到好低嘅時候，係因為估值會減少。資產唔升？估值又跌，到你心灰意冷嘅時候，就可能會升返。依啲咁難掌握嘅股票。我就叫佢做週期。下一個我以前成日都會想買嘅便宜股票就係資源股。中國石油，中遠太平洋，中海集運，中國神話。以前成日覺得佢，市值大，穩陣唔會執笠。到頭來係浮浮沉沉。當時的想法是，係咪好公司未必最重要，最緊要睇中石油升，運費升，煤價升。我咪賺錢囉。不過，如果世事都俾你看透，可能直接買期指仲好。到頭來，我嘅經驗話俾我知，我係冇可能買週期股，而長期賺錢。買好公司，唯一一個值得我睇嘅指標 — 其實係人。