交易篇：buy in october
股市的技術指標，就好似預測人嘅情緒一樣。當一班人一齊看好，股價、平均線、 K 線、形態向上，趨勢向上就更加多人買，可能加上量子交易，程式交易， AI 系統等等，令大部分人認為技術指標非常有用，相反，下跌時就加速下跌。疊加埋一齊就係週期。波浪大師，加埋一啲數字，令人覺得好神奇。例如黃金比例、 0.618 、 0.3827 、 0.5 嘅倍數。仲有就係我覺得極有用的 —Buy in October (Not Sell in may) 係大趨勢的環境當中，令我覺得最有效嘅，就係買在十月。當然，要配合當時嘅環境同埋趨勢。例如今年 2021 年，差唔多由年頭跌至 10 月，一個大調整浪通常只會持續 8~10 個月（可以參考金融海嘯，歐債危機）。在這段期間，會不斷有壞消息發出，就好似今次中概股嘅監管風暴、教育股嘅暴跌、不準青少年玩遊戲、到地產恒大爆煲，冇一個消息都會令投資者失望，係絕望嘅時候，股價會腰斬再腰斬。神奇的是，好多次都係 10 月，就達到股價最低潮。雖然之後不一定會大升（股市通常升得慢跌得快），但是離底部都不遠。 有時有人會問，股價那麼低，為什麼還會有人低價賣出呢？我認為有兩大因素。第一係期指期貨。做期指的人，一定係短線行為。有很多在家中炒股的人，是專炒期指，即日鮮。他們不用理會價格，衹要有壞消息，就可以向下炒。第二個因素，係浴缸效應（收水版）。當市值大，指數股票下跌時，投資者、基金經理通常會沽出流動性較差的股票，換入流動性較好的。在這個調倉行為中，市值小的，可能跌幅會較大。相反，如果升市，市值大的已經水浸，多出來的水，就會流向其他市值細的股票，形成炒落後嘅現象。所以在跌市中，無論在任何低價格，都仍然會有投資者沽出。 認清這個事實之後，就要告訴自己，持股要有堅定的信心。如果認同這間公司，無論是什麼價格，都不是影響你買入的原因。衹要是一間好的公司，股價總是會回升。 但是，作為一個普通人，都不願意看到自己的財富會突然大跌。選取一個安全的買入價位，是令自己買股票賣得心安的地方。所以我會選擇在 10 月買貨。另一個方法係，不斷用期權來交易。賣出較低價格的行駛價（認沽）的期權和沽出較高價格的行駛價（認購）的期權。股價下跌，就按行駛架買貨。相反，股價上昇，就用較高的行駛價沽出。學習期權，係令自己在股市中，必勝的 1 門絕招，配合揀選好的公司，再在下半年 10 月中買入更多的貨。這...